紋髮師Miss Wong好專業又細心,之前都有問過幾家紋髮中心報價,其中企鵝專業紋髮Miss Wong解答得好詳細,佢須要我提供頭部頭髮相片,就好快回覆報價,我覺得價錢都好合理,心諗就算效果未如理想,最多幾年就回復返之前一樣,所以就决定試一次。療程先後做咗兩次,第一次紋髮過程好耐,我瞓响度都覺得攰,更可况Miss Wong要不停咁專注工作,佢話想做出來有好效果,所以唔可以心急,真係佩服咗佢。之後佢會提點紋髮後要注意嘅地方。第一次紋出來已經好明顯有效果,之後約好第二次補色,呢次時間就快好多,但係效果就更加明顯。好開心,以後唔使再戴帽遮遮掩掩。其實十二、三年前我都做過植髮,之後三、四年間就慢慢甩掉,只保留返完成植髮嘅三、四成效果。植髮價錢唔平,要一條一條計算,其實金錢都係其次,最難頂就係成個過程都好痛,手術前已經响後頸打咗幾枝麻醉針,過程中仲要不斷响頭皮補針,我植4000條頭髮,就要拮8000針,紋髮有少許痛,但係植髮係每一針痛過紋髮十幾二十部,就算免費我真係唔敢再試。自從三十歲開始,帽就係衣飾一部份,因為身邊永遠都會有幾個損友、同事會攞我嘅頭髮做話題,真係佢唔厭我都覺得煩。自從第一次紋髮開始就唔再需要戴帽,成個人望落去都後生咗好多,呢次紋髮真係好值得,自信心返晒嚟。